⛔أشهر 10 وسايل لابتزاز البنات وضياع حياتهم :
1️⃣ اعلان بعنوان ...
اللي عاوزه تشتغل تبعت خاص
وتدخل البنت تبعت بيانتها لحد مجهول على النت وطبعا صاحبنا بيشتغلها ولا فيه شغل ولا حاجه
وياإما يقولها هعملك مقابلة فيديو
أو يبعت لها اي كود يهكر تليفونها وتبقى كل صورها عنده ويبدأ الابتزاز
2️⃣ اعلان او رسالة توصلك على الخاص هعملك جلسة قراية تاروت او جلسة علاج نفسي مجانية وانتي كل المطلوب منك تفتحي الكاميرا بس عشان لازم يقرا لغة الجسد وطبعا ولا لغة جسد ولا حاجة المهم تقعي في المصيدة وخلاص
3️⃣ جروبات الصحة النفسية والدكتور والاستشاري النفسي اللي ماتعرفيش شهادته اصلا وهو ولا دكتور ولا حاجه بس هو متخصص في حل عقد البنات😊
وكالعادة تكبي اسرارك هناك على كام صورة ويبدا الابتزاز
4️⃣ جروبات الفضفضة اللي بتدخلي تكبي فيها كل الاسرار وتشتكي اهلك ولا جوزك او ...او... وخلاص صاحبنا عرف ازاي يوقعك بكل سهولة
5️⃣ وزيها جروبات تفسير الاحلام حتى لو الاحلام دي هتبعتيها وماحدش هيعرف انتي مين ..هتلاقي اللي يقولك ضروري تكلميني خاص ..و هو ولا بيفسر احلام ولا حاجة بس المهم يفتح سكة مع البنات
6️⃣اعلان بمنتج عظيم هيعمل معجزات لتخسيس او لتكبير .....بس طبعا ابعتي صور عشان يبعتلك المنتج المناسب ونشوف النتيجة قبل وبعد استعمال المنتج والنتيجة ابتزاز بالصور اللي بعتيها
7️⃣ الراقي والمعالج الروحاني اللي هو شغلته اصلا كلها دجل بس مافيش مانع يستغل البنت وبعد كده يبتزها
8️⃣ زميلتك أو زميل يديكي حبوب أو أدوية تحت اي بند....خديها عشان تركزي في الامتحان ولا عشان الصداع ولا عشان تطلعي من الحالة النفسية دي ولا لأي سبب .... وتطلع حبوب ليها ادمان وساعتها خلاص انتي كلك على بعضك بقيتي ملكهم يقدروا يذلوا ويبتزوا براحتهم
الادوية تاخديها من دكتور مش من زميلتك أو زميلك
9️⃣ الصداقة مع الشباب وانك تقولي ده احنا اصحاب بس...
اوعي تصدقي ان فيه حاجه اسمها صداقة بريئة و زي أخويا بين ولد وبنت ...قبلك كتيييير صدقوا ووقعوا فاتعلمي من اخطاء غيرك غير طبعا ان ده حرام اصلا
🔟 اكتر واشهر سبب للابتزاز إنك تصدقي شاب بيقولك انا بحبك وشاريكي وهتجوزك وبس ابعتي صورة تحت الحساب وصورة بعدها صورة بعدها فيديو وفي الاخر يوم ماتقولي لا هتتعرضي للابتزاز وهتسمعي يااما تبعتي يااما هفضحك
⛔ احمي نفسك من الابتزاز
⛔احمي نفسك بتنفيذ أوامر دينك أولا وبإنك تتعاملي بحرص وحذر ثانيا
تعليقات
إرسال تعليق